Ferr apo jo? - Batiushka - 16 korrik 2022

Ferr apo jo? 

Nga Batiushka – Me 16 korrik 2022 – Burimi The Saker Blog 

Perëndimi barbar 

Nga shekulli i pestë pas Krishtit, barbarët kishin depërtuar në Evropën Perëndimore në një numër të madh, duke sjellë rënien e Romës së Vjetër, në Italinë e sotme, në vitin 410. Çuditërisht, barbarizmi që sollën me vete, shoqëruar me brutalitetin sistematik të Romës së vjetër nga më brutalët prej tyre, Frankët, mbijetojnë sot. Në të vërtetë, mund të themi troç se shumë njerëz në Evropën Perëndimore kanë mbetur barbarë, duke mbështetur me vetëdije ose pa vetëdije aristokracinë/oligarkinë e kryekomandantëve te luftës "frank" që administrojnë (por nuk kontrollojnë - kontrolli vjen nga gjetkë) botën perëndimore deri më sot. Në fillim, barbarët pushtuan vetëm Evropën Perëndimore, por më pas u përhapën në fqinjët e saj të afërt në Evropën Lindore, Lindjen e Afërt dhe përgjatë brigjeve afrikane. Megjithatë, ishte që nga viti 1492 që filloi pushtimi dhe shfrytëzimi i Botëve të Reja nga Evropa Perëndimore. Barbaria është globalizuar. 

Siç kemi thënë, Frankët (që do të thotë "të lirë", domethënë jo skllevër) (1) morën drejtimin në togën barbare, duke arritur deri aty sa të riemërtojnë një vend, Gali (« la Gaulle »), nga emri i tyre, në "Francë". Fjala "Frank" u përhap pas Karlit të Madh, i cili, në fund të shekullit të 8-të, masakroi barbarë të tjerë më pak të dhunshëm, Saksonët. Karli i Madh themeloi "Perandorinë e Shenjtë romake gjermanike" (në fakt një Perandori jo e shenjtë Franke), intelektualët e së cilës ishin trajnuar nga hebrenjtë në Spanjë. Kështu, muslimanët e shekullit të 10-të përdorën fjalën "Frank" për t'iu referuar një "evropiani perëndimor agresiv", siç bënë të krishterët ortodoksë të shekullit të 11-të në Romën e Re. Në vitin 1100 Baldwin I u fronëzua në Jerusalem si "mbreti i parë i Frankëve". Nga fundi i shekullit të 11-të, kronikët e Uellsit i quajtën pushtuesit normanë "Frankë", siç bënë irlandezët dhe skocezët në shekullin e 12-të, pushtuesit francezë spanjollë dhe portugezë, dhe kolonët gjermanë polakë dhe çekë. Në shekullin e 16-të, kinezët i quajtën portugezët dhe spanjollët plaçkitës "Fo-lang-ki", të quajtur sipas arabishtes "Faranga", nga e njëjta fjalë "Frank". 

Menjëherë pas vitit 1492, i dyti nga dy papët spanjollë Borgia/Borja, Rodrigo Borgia, i njohur ndryshe si Papa Aleksandri VI (1492-1503), i përcaktoi njerezit evropianë jokatolikë si jo njerez, duke i lejuar ata të grabiten, të shndërrohen në skllavëri dhe të vriten. . Në shekullin e 20-të, kjo kulturë perëndimore mizogjene dhe raciste e zgjeroi me dashamirësi "epërsinë" e saj te gratë perëndimore, pastaj te hebrenjtë, duke e quajtur "qytetërimin e tyre perëndimor" "judeo-kristian", pastaj e shtriu atë në të gjitha racat (2), por me një kusht: që këta të ardhur pranojnë “vlerat perëndimore” si “demokracia” = një fjalë e re për supremacinë perëndimore, përkatësisht nazizmin. Pra, sot, trupat barbare të Kievit, Vandalët e Rinj, po bëjnë të njëjtën gjë si grabitësit barbarë perëndimorë, Vandalët e Vjetër, duke gjenociduar të gjithë ata që nuk e pranojnë ideologjinë e tyre naziste. Rusia po lufton sot Perëndimin, sepse barbarët janë në pragun e saj në Ukrainë – edhe një herë, si tetëdhjetë vjet më parë. 

Në Ukrainë 

Gjatë muajve të fundit, aty këtu, në vende të ndryshme të Evropës Perëndimore, kam parë dy ose tre flamuj të valëvitur së bashku, Unazën e vetme të BE-së "për t'i sunduar të gjithë", ndonjëherë flamurin kombëtar lokal dhe, më poshtë, flamuri ukrainas. Ky i fundit përfaqëson supremacizmin perëndimor, ideologjinë naziste që shpall perëndimorizimin e shumëdëshiruar të Ukrainës. Sipas kësaj ideologjie, kushdo që nuk pranon “vlerat perëndimore” duhet të shkatërrohet ose, siç thonë tani, të “anulohet” – me lajmet e rreme perëndimore, armët perëndimore dhe vdekjen perëndimore. 

Kush janë kryekomandantët e luftes, aristokratë e sotëm, Frankët, Lombardët, Gotët, Vandalët dhe Vikingët e sotëm? Janë Stoltenberg, Biden, Johnson, von der Leyen, Blinken, Nuland, Kagan, Scholz, Macron dhe të gjithë neokonservatorët e tjerë, te paralajmëruar apo jo, që i valojnë së bashku këta flamuj. Barbarët ishin atje për të grabitur qytetërimin në gusht 476 dhe në gusht 1914, ata ishin atje për të plaçkitur qytetërimin në fund të 1492 dhe në fillim të 2022. Megjithatë, bota që filloi më 12 tetor 1492 vdiq më 24 shkurt 2022 dhe filloi një epokë e re. 

Më 14 korrik 2022, presidenti serb Vuçiq tha: 

« Tani e gjithë bota perëndimore është në luftë me Rusinë përmes ukrainasve dhe konflikti i armatosur i sotëm pothuajse mund të quhet luftë botërore. Unë e di se çfarë na pret. Sapo Vladimir Putin të përfundojë punën e tij në Seversk, Bakhmut dhe Soledar dhe të arrijë në rreshtin e dytë në Slaviansk-Kramatorsk-Avdeevka, ai do të bëjë një ofertë. Dhe nëse ata (perëndimorët) nuk pranojnë – dhe nuk e kanë ndërmend – ne do të marrim rrugën për në ferr. » 

Pas barbarëve 

Po sikur bota perëndimore të zgjedhë të mos shkojë në ferr? Çfarë ndodh pas barbarëve, pas zhdukjes përfundimtare të miteve “Perëndimi dhe të tjerët” dhe “Perëndimi është më i miri”? Tani për tani, alternativa është një supë alfabetike e BRI, BRICS, EAEU, SCO, etj. Vetë BRICS po bëhen të vjetruar pasi së shpejti mund t'i bashkohen Irani, Turqia, Egjipti, Arabia Saudite dhe ndoshta Argjentina dhe pastaj kush e di? A e bën kjo BRICSITESAA? Një emër alternativ si "AntiPerëndimi" është thjesht reaktiv, negativ dhe i referohet 530 viteve para 24 shkurtit 2022. Është edhe më i papërshtatshëm pasi BE-ja po shpërbëhet qartë dhe se është e qartë se vende si Serbia, Hungaria (të cilën elita evropiane dëshiron ta përjashtojë nga BE) dhe Gjermania, nëse dëshiron të mbijetojë, do t'i bashkohen BRICS-it të ardhshëm. 

Ndoshta mund ta quajmë këtë bllok të ardhshëm “bota e lirë”, por kjo do t'i referohej edhe së shkuarës. Natyrisht, ne nuk e dimë emrin e bllokut të ardhshëm. Por ne mund të sugjerojmë emra më realistë si "Aleanca Ndërkombëtare" (AI) ose "Aleanca e Lirë e Popujve Sovranë" (ALPS). Një bllok i tillë mund të ndihmojë në korrigjimin e padrejtësive historike të kahershme, nëpërmjet formimit të vendeve të reja, kufijve të rinj, kushtetutave të reja dhe prosperitetit të ri. Fakti është se bota ende nuk është dekolonizuar. Mund të shihni ende vija të drejta në harta, zakonisht punë e burokratëve kolonialë me mendje të rregullt rreth një shekull më parë në Londër dhe Paris, të cilët kishin pak nocione për historinë dhe gjeografinë, lumenjtë, malet dhe gjuhët e etnive të ndryshme, e lëre më per njerëzimin, drejtësin dhe prosperitetin. 

Ka ende popuj të shpronësuar që presin të marrin ose rimarrin atdheun e tyre sovran, si ata në Skoci, Uells, Karpate, Abkhazi, Osetia, Kurdistan, Hawaii, Guam, Porto Riko. Ka ende popuj që presin të kthehen në atdheun e tyre të vërtetë, si ata të Irlandës së Veriut, Gjibraltarit, Tajvanit, Samoa Amerikane, Belize, Guajana Franceze, Falklands. Ka ende vende artificiale që mund të zhduken plotësisht ose të federohen, si: Shtetet e Bashkuara, Mbretëria e Bashkuar, Franca, Spanja, Belgjika, Kosova, Ukraina, Maroku, Libia, Mali, Somalia, Izraeli, Libani, Kuvajti, Koreja e Veriut, Korea e jugut. Nëse nuk duam të shkojmë drejt ferrit, le të shkojmë drejt Kombeve te Lira dhe Sovrane, tokave për popujt autokton, jo per fuqitë koloniale, dhe le të ketë një Aleancë Botërore të Popujve të Lirë dhe Sovran. 

Batiushka 

Rektor ortodoks rus i një famullie shumë të madhe në Evropë, ai ka shërbyer në shumë vende të Evropës Perëndimore dhe unë kam jetuar në Rusi dhe Ukrainë. Ai gjithashtu ka punuar si lektor për historinë dhe politikën ruse dhe evropiane. 

Përkthyer nga Hervé për le Saker Francophone 

Shënime :

1. Kujtojmë himnin e tregtarëve të skllevërve dhe pronarëve të skllevërve britanikë, të shekullit të tetëmbëdhjetë sipas te cilit ata, të paktën, "kurrë, kurrë, kurrë nuk do të ishin skllevër". Sigurisht, ata nuk do të ishin kurrë skllevër, ata ishin "Frankë", Evropian perëndimorë agresivë. 

2. Ashtu si shumica e njerëzve në shekullin e 21-të nuk kishin asnjë problem që Obama (kafe e zbehtë, sigurisht jo i Zi dhe idioti i dobishëm, egocentrik që nisi të gjitha problemet në Ukrainë) të bëhej president i Shteteve të Bashkuara, po ashtu pak njerëz e kanë problem me idenë se një burrë me origjinë indiane është favoriti aktual për t'u bërë kryeministri i ardhshëm britanik. Në fund të fundit, kandidatura e Rishi (disa e quajnë "Richy") Sunak, deri vonë Kancelar/Ministër i Financave i Mbretërisë së Bashkuar, nga një familje tregtarësh indianë dhe afrikano-lindorë, i cili punoi si duhet për Goldman Sachs, i cili u martua me bijen e miliarderit të gjashtë më të pasur të Indisë, pasuria e tyre e kombinuar i afrohet 1 miliard dollarëve, i cili është deputet i një qyteti të quajtur, çuditërisht, "Richmond", mbështetet çuditërisht nga Financial Times i establishmentit britanik